23 ақпан қонақжай сағ.14.30 . Қонақжайдың есігі айқара ашық. Н.Құлабаев өзі отырыстың алғашқысы болып келді. Соңынан басқа қаламгерлерде аздап кешігумен, ауа- райының қолайсыздығына қарамай  жиналып қалды. Бүгін Аслан Қанғожиннің өлеңдері талданды. «Гүл және гүл өсіруші», «Телефон тұтқасында», «Айтбекке», «Жастықтың жарқылы», «Көкірегімді қыдықтады өлең» атты жыр шумақтары сынға ілінді.

Н. Құлабаев айтуынша Асланның өлеңдерінде қарабайырлық, бірізділік байқалмайды. Ұйқас құрастыруы өзінше тың. Дегенмен, уақыт өте келе өзгеріске ұшыраған, ақынның өзінің де көңілінен шықпай жүрген бірсыпыра жыларына қайта ой қосу ұсынылды.

Отырыс барысында клуб жұмысы талқыланып, алдағы атқаратын жұмыстар легі анықталды.

1. А.Маудановтың өлеңдері келесі отырыстың тақырыбы болып таңдалды.
2. «Бір ел, бір кітап» акциясының таңдауы түскен қаламгер жазушы С. Мұратбековтың шығармашылығымен танысу жүктелді.
3. Респубикалық байқауға қатынасу.
4. «Махаббат маусымы»  жарияланды. 1наурыз бен 15сәуір аралығы жастардың ғашықтық жырларын жинап, іс - шара өткізу.
5. Астанадағы Ұлттық академиялық кітапхананың «Жансусар» жастар клубымен бейне - көпір жоспарланды.