18 мамыр күні қостанайлық және рудныйлық авторлар әдеби отырысқа қатысу үшін қонақжайға жиналды. Ақындар кезекпен өз өлеңдерін оқысып, баспасөз бетінде жақын арада жарияланбақ дүниелерді талқыласты және «Рудненская лира» жинағының 4 шығарылымын сатып алуға мүмкіндік алды. Жиналғандар кітапханашының әдебиет әлемінде болып жатқан оқиғалар жайында дайындаған ақпаратын тыңдады. Ол қазақстандық екі жазушының – Немат Келімбетов пен Валерий Михайловтың Ресейдің «Лучшая книга года» ұлттық сыйлығының лауреаты болғандығын, Бақытжан Қанапияновқа бұрынғы кеңес елінің кеңістігінде орыс тілінің сақталуы мен дамуына қосқан үлесі үшін деген ерекшелеуімен А. Дельвиг ат. (Серебряный Дельвиг) бүкілресейлік әдебиет сыйлығының берілгенін, Ұлттық ғылым академиясында Олжас Сүлейменовтың «Код Слова» кітабының тұсаукесерінің өткенін және т.б. жеткізді. Кездесуге келгендердің ішінде А. Тарасенко, А. Досов, Н. Кочин, Ю. Бондаренко, А. Каратаев, А. Олексюк, А. Удовицкий, В. Лоскутников, Н. Полякова, Б. Старшинин, Ф. Мин, В. Варенцов, Ю. Вовк, О. Дубиковская, С. Онча және т.б. болды. Кездесу достық ахуалда өтті.